Aiet-bastard
Allium ursinum
Amaryllidaceae Alliaceae
Noms en français : Ail des ours, Ail des bois.
Descripcioun :L'aiet-bastard trachis dins li faio e li blachiero umido. S'apren à-n-acò que se vèi quàsi pas en Prouvènço, en deforo di relarg mountagnous. Se recounèis à si làrgi fueio pourtado pèr un pecou, e à si flour blanco coume lou la e un pau grando (fin qu'à 1,5 cm).
Usanço :"- Se vesias, nous disié lou Jóuse, soun pas marrit aquélis aiet. Tenès, tastas. - Verai ! soun bon. Hòu ! pourrias faire l'aiòli". ("En Mountagno", op.cit p. 72)Èi l'aiet fèr lou mai manja en Éuropo e acò desempièi lou neoulitique. Poudès acampa li fueio, li flour, li boutoun, li jóuini fru e li veno. S'adoubon de proun de biais, en ensalado, cue... A peréu li mémi prouprieta que l'aiet cultiva (vèire çai-souto), èi peréu riche en vitamine C e fai meigri.
Port : Erbo
Taio : 15 à 40 cm
Fueio : costo paralèlo
Tipe bioulougico : Geoufite
Cicle bioulougico : Planto renadivo
Gènre : Allium
Famiho : Amaryllidaceae
Famiho classico : Alliaceae
Ordre : Asparagales
Coulour de la flour :
Blanco
Petalo : 6
Ø (o loungour) flour : 1 à 1,5 cm
Flourido : Printèms
Sòu : Ca (Si)
Autour basso e auto : 0 à 1600 m
Aparado : Noun
Abriéu à mai
Liò : Faio
- Blachiero
- Ribiero
Estànci : Coulinen à Mountagnard
Couroulougi : Éurasiatico
Ref. sc. : Allium ursinum L., 1753
Flouquet-chanjadis
Orthotrichum anomalum
Orthotrichaceae
Nom en français : Houppe irrégulière.
Descripcioun :Aquelo mousso, coumuno dins li coulino, trachis sus li roco cauquiero ounte fai de mato boumbudo pu o mens grando. Se recounèis à sis urno aranjado e regado, pourtado pèr uno sedo courteto e cuberto d'uno caliptra mitrado e peludo (flouquet).
Usanço :I'a pas trop pèr s'engana em'aquelo meno. Se destrìo seguramen bonodi la formo de sis estoumato.
Port : Acroucarpo
Taio : 1 à 2 cm
Fueio : 2 à 3 mm
Tipe bioulougico :
Cicle bioulougico : Planto renadivo
Gènre : Orthotrichum
Famiho : Orthotrichaceae
Ordre : Orthotrichales
Coulour de la flour :
Petalo : 2 mm
Ø (o loungour) flour : Simple
Flourido : Printèms
Ivèr
Sòu : Ca
Autour basso e auto : 50 à 2000 m
Aparado : Noun
Janvié à abriéu
Liò : Roco
- Muraio
- Pège
Estànci : Mesoumediterran à Mountagnard
Couroulougi : Oulartico
Ref. sc. : Orthotrichum anomalum Hedw., 1801